« حیدر بابا نین دیلینجه شهریار ! »
« حیدر بابا نین دیلینجه شهریار ! »
از جبار باغچه بان درباره استاد شهریار
« حیدر بابا نین دیلینجه شهریار ! »
علیکم السلام ، شهریار آغا ،
چو خاندی قاچمیشدون بیزدن اوزاغا .
آیاق باسمازدون بیزیم قوناغا ،
جوانلیق دوریندن بوچاغادن ،
سن هچ بیزدن بیله یاد ایتمزدون .
نه اولدی ، آی اوغون سن بیردن بیره ،
اونو تدوغون ئلی ، سالدین خاطره ؟
چاغلایان سولارا ، اسن یللره ،
بو قوجا حیدره ایله دین سلام ؟
لطفین آرتیق اولسون علیک لاسلام .
نه قدر دادلیمیش سنین بو دیلین ،
ایشیدن کیمی بو ، سسینی ائلین
قوجا ، جوان ، اوشاق ، قیز - گلین ،
سنی دینلمگه ، قاچیلار چوله
آنام قوربان اولسون ، بو شیرین دیله .
فارس قیزلاری آزدیر مشدی عملین ؟
که فارسجایدی ، بوتون شعرین غزلین ؟
حیدر بابا یوردوندا بیر گوزه لین ،
عشقینه بیر قلم قویمازدین بئله ،
فارسی جا یازماقدان ، دویمازدین بئله .
تهران گوزللری یولون کج اینتدی ،
کونلونی آپاریپ سنی گیج ایتدی
دی گوروم یا فلک سنله لج ایتدی ؟
دونگه وار مش ، دونوم وارمش بیلمدین ،
آیریلیق وار ، ئولوم وارمش بیلمدین .
ایندی بیزی تازه گلیپ تاپیرسان .
گونلومیزه کوزلر قویوب یاخیرسان ،
حسرتیله کیچنلره باخیرسان .
گورورسن که سولار آخوب گئدیر میش،
دوعولان قوجالیب نولوب ایتیرمیش ،
چوخدا ویرمه ، سیخینتی ئوز گویلونا
مهرباندیر هر آتا ئوز اوغلونا ،
قاییتمیشسان ایندی که سن یولونا ،
بو یور گیلن گوز اوستنده یرین وار ،
ئله لین سنی سوینجیله قارشیلار ،
سلام ایلر بوتون ائلیمیز سه ،
باغچامیز ، باغچامیز ، گلمیز سنه ،
اوزون مدت سوسان دیلمیز سنه ،
دی گورک دیمه لی داها نه یین وار ،
افسوس که سن گج دیل آچدون شهریار،
کچیک اوشاق تزه سؤزه گلنده ،
آیری بیر دادلی لیق اولارد یلنده ،
لذتی وار ، آغلیاندا گولنده ،
ایندی که دیل آچدین سوسما ، آغلا ، گول ،
یامان سویله ، یاخشی سویله ، داغلا ، گول .
از کتاب : یادی از حیدر بابا یه سلام